Yaponiya eksporti ikki yil ichida birinchi marta pasaydi

Yaponiya eksporti yiliga 0,3 foizga kamaydi. Bu 2021-yil fevralidan beri rekord ko‘rsatkich bo‘lib, tahlilchilar prognozlaridan ham ko‘p, deb yozadi Bloomberg.

Nashr eksportdagi pasayish dinamikasini iqtisodiy muammolar tufayli xorijda iste’mol talabining zaiflashishi bilan izohlagan.

Yaponiyaga import to‘rtinchi oy ketma-ket pasaymoqda. 2022-yilning shu davriga nisbatan 13,5 foizga kamaydi. Bu 2020-yil sentabridan beri eng yuqori ko‘rsatkichdir.

Shu bilan birga, II chorakda Yaponiya iqtisodiyoti yiliga 6% o‘sishni ko‘rsatdi. Eksportning qisqarishiga qaramay, tashqi talab asosiy omillardan biri bo‘lib qolmoqda, ichki talab esa pasayishda davom etmoqda.

Yaponiya eksporti tarkibi xilma-xildir. Yil davomida AQShga yetkazib berish 13,5 foizga, Yevropaga esa 12,4 foizga o‘sdi. Shu bilan birga, Yaponiyaning eng yirik savdo sherigi bo‘lgan Xitoyga mahsulot eksporti 13,4 foizga kamaydi.

Avvalroq, «Kursiv» Xitoy 1-avgustdan mikrochiplar ishlab chiqarishda foydalaniladigan materiallar eksportini cheklaganini yozgan edi.