Ukrainalik bolalar O‘zbekistonga dam olish va reabilitatsiya qilish uchun kelgan

Bir guruh ukrainalik bolalar O‘zbekistonga dam olish va sog‘lomlashtirish uchun keldi. Bu haqda Ukrainaning Toshkentdagi elchisi Nikolay Doroshenko o‘zining Facebookdagi sahifasida ma’lum qildi.

«Ular Ukrainaning turli burchaklari – Xarkov, Xerson, Nikolaнev, Zaporojye, Sum, Xmelnitskiy, Lvov va Kiyevdan», — deyiladi xabarda.

Safar Ukraina diplomatik missiyasi tashabbusi bilan o‘zbek ishbilarmonlari va jamoat tashkilotlari ko‘magida tashkil etildi. Doroshenkoning qayd etishicha, bolalar Anor tog‘ lagerida 12 kun bo‘lishadi.

BMT Inson huquqlari bo‘yicha Oliy komissari boshqarmasi ma’lumotlariga ko‘ra, 2023-yil fevral oyi oxiri holatiga ko‘ra, Ukrainada halok bo‘lgan tinch aholi soni 8,1 ming nafarga, jarohatlanganlar soni 13,4 ming nafarga yetgan.

Halok bo‘lganlar orasida 3,5 ming erkak, 2,1 ming ayol, 256 o‘g‘il, 201 qiz bor.

Avvalroq «Kursiv» ikki ukrainalik Qozog‘istonda qochqin maqomini olgani haqida yozgan edi.