Tolibon O‘zbekiston orqali Rossiyaga uzum eksport qila boshladi

Afg‘oniston ilk bor Rossiyaga Hayraton porti orqali 2000 quti uzum eksport qildi, deb yozadi Sinxua shimolidagi Balx viloyati Savdo-sanoat palatasiga tayanib.

Balx viloyati palatasi rahbari Asadulla Asadiyning soʻzlariga koʻra, shanba kuni Hayraton porti orqali muzlatkichlarda yangi uzum Oʻzbekistonga yetkazilgan, u yerdan esa Rossiya Federatsiyasiga olib ketilgan.

Afg’on mevalari va quritilgan mevalarni etkazib berishning an’anaviy yo‘nalishlari Hindiston va Pokistondir.

Joriy yilda Afg‘oniston Savdo-sanoat palatasi ma’lumotlariga ko‘ra, mamlakat Markaziy Osiyo mintaqasi davlatlari, jumladan, Tojikiston, O‘zbekiston va Turkmanistonga ham eksport hajmini oshirgan.

Avvalroq, «Kursiv» Afg‘oniston AQShga alkogolsiz anor ichimligining birinchi partiyasini jo‘natgani haqida xabar bergan edi.