O‘zbekiston xorijga sabzavot va meva yetkazib berish hajmini oshirdi

2023-yilning yetti oyi yakunlariga ko‘ra, O‘zbekiston xorijga 672,9 million dollarlik sabzavot va meva yetkazib berdi, bu o‘tgan yilning shu davriga nisbatan 22,4 foizga ko‘pdir, xabar beradi Statistika agentligi.

Yanvar-iyul oylarida O‘zbekiston qishloq xo‘jaligi mahsulotlarining asosiy xaridorlari Rossiya bo‘lib, uning hissasiga barcha eksportning 41,8 foizi to‘g‘ri keldi. Keyingi oʻrinlarda Pokiston (14,6%) va Qozogʻiston (12%).

Ozarbayjon va Tojikiston eng past ko‘rsatkichlarga ega — har biri 3,9 million dollar, shuningdek, Gruziya — 3,6 million dollar.

Shu davrda xorijga gilos yetkazib berish 58,9 foizga – 52,9 million dollarga, tariq – 157,7 barobarga – 19,4 million dollarga, olxo‘ri eksporti esa 72,6 foizga – 25,3 million dollarga oshgan.

Yetti oy yakunlariga ko’ra, karam yetkazib berish 35,4 foizga kamayib, 21,1 million dollarni, pomidor yetkazib berish esa 22,9 foizga kamayib, 33,4 million dollarni tashkil qildi.

Avvalroq «Kursiv» joriy yilning yanvar-iyun oylarida mamlakatimiz o‘rik yetkazib berish hajmini olti barobardan ziyodga oshirganini yozgan edi.