Xitoy «Fukusima-1» atom elektr stansiyasidan radioaktiv suv chiqishi sababli Yaponiyadan dengiz mahsulotlari importini taqiqladi, yozadi The Guardian.
Tokio elektr energetika kompaniyasi (TEPCO) 24 avgust kuni mahalliy vaqt bilan soat 13:03 da suv chiqarishni boshladi. Jarayon jonli efirda boshlandi. TEPCO, dengiz suvi nasosi yoki uning atrofidagi inshootlarning ishlashida hech qanday anormallik aniqlamaganini aytdi.
Umuman olganda, 30-40 yil ichida Yaponiya hukumati 1 million tonnadan ortiq tozalangan radioaktiv suvni to’kib tashlaydi. Yaponiya tomonining fikricha, oqizilgan suv xavfsiz. Buni MAGATE ham tasdiqlagan.
Fukusima-1 AESdagi avariya 2011 yilda sodir bo’lgan. Reaktorlarni sovutish uchun ishlatiladigan suv tozalashdan so’ng deyarli 90% to’ldirilgan tanklarda saqlangan.
Biroq bu qaror Yaponiyaga qo‘shni davlatlar tomonidan keskin qoralandi – Osiyo va Okeaniyadagi 11 davlatdan kelgan respondentlarning 80 foizdan ortig‘i Yaponiya rasmiylarining qarorini qo‘llab-quvvatlamadi. Xitoy bu harakatni «xudbinlik va mas’uliyatsizlik» deb atadi va Yaponiyani suvni to’kishni to’xtatishga chaqirdi. Janubiy Koreyada respondentlarning 59 foizi, Yangi Zelandiyada 52 foizi va Xitoyda 76 foizdan ortig‘i bu harakatni «o‘ta mas’uliyatsizlik» deb atadi.
