BMT Inson huquqlari bo‘yicha Oliy komissari boshqarmasi hisobotiga ko‘ra, Rossiyaning Ukrainaga bostirib kirishi boshlanganidan beri tinch aholi halok bo‘lganlar soni 9,5 ming nafarga yetgan.
O’lganlarning 4,4 ming nafari erkaklar, 2,6 ming nafari ayollar, shuningdek, 233 nafari qiz va 287 nafari o’g’il bolalardir.
27 avgust holatiga ko‘ra, Rossiya-Ukraina mojarosi natijasida yaralanganlar soni 17,2 ming kishiga yetgan.
Eslatib oʻtamiz, joriy yilning 27-fevralida BMT halok boʻlgan Ukraina aholisi sonini 8,1 ming kishi deb hisoblagan edi. Oʻshanda halok boʻlganlar va jarohatlanganlarning asosiy qismi yoʻq qilish radiusi keng boʻlgan portlovchi qurollarga toʻgʻri kelgan.
Avvalroq, «Kursiv» Ukrainaning O‘zbekistondagi elchixonasi o‘zbeklarni Rossiya armiyasiga qo‘shilmaslikka chaqirganini yozgan edi.
