Xitoyda O‘zbekiston liboslari namoyish etiladi
Xitoyning Xanchjou shahrida bo‘lib o‘tadigan ko‘rgazmada mamlakat muzeylaridan yigirmaga yaqin o‘zbek liboslari namoyish etiladi. Tadbir 2-sentyabrdan 12-noyabrga qadar bo‘lib o‘tadi. Bu haqda Madaniyat va san’atni rivojlantirish milliy jamg‘armasi ma’lum qildi.
![](https://cdn-uz.kursiv.media/wp-content/uploads/2023/08/3-21.jpg)
Rangli Osiyo: Osiyo liboslari ko‘rgazmasida 150 ga yaqin eksponatlar namoyish etiladi. Bular Osiyoning turli burchaklaridan kelgan liboslar.
O‘zbekistondan chopon, so‘zan va taqinchoqlar kabi 20 nomdagi kiyim-kechak keltiriladi. Ularning barchasi odatda Samarqand muzey-qo‘riqxonasi va O‘zbekiston davlat san’at muzeyida saqlanadi.
Bundan tashqari, ko‘rgazma doirasida «O‘zbekiston kechasi» tadbiri ham o‘tkaziladi. Uning ishtirokchilari o‘zbek matolarini tayyorlash jarayonini ko‘rishlari mumkin bo‘ladi.
«Kursiv» nashrining yozishicha, 2024-yilda mashhur Florentsiya Uffizi galereyasida va Venetsiyadagi Ka-Foskari universitetida O‘zbekistonning noyob buyumlari ko‘rgazmalari bo‘lib o‘tadi.