O‘zbekistonda 1-oktabrdan kuchga kiradigan uyga borish orqali davlat xizmatlarini ko‘rsatish qoidalari tasdiqlandi. Ushbu xizmatning narxi yashash joyiga qarab farq qiladi. Toshkent shahrida bunday xizmat 0,5 BFS (165 000 so‘m), viloyat markazlarida – 40 foiz BFS (132 000 so‘m) va tuman yoki shahar markazlarida – 30 foiz BFS (99 000 so‘m) turadi.
Birovning yordamiga muhtoj keksalar, nogironlar va I va II guruh nogironlari uchun xizmat bepul bo‘ladi.
Har qanday xizmatni olish uchun fuqarolar Adliya vazirligining Call-markaziga qo‘ng‘iroq qilishlari yoki veb-saytda ariza qoldirishlari kerak. Qo‘ng‘iroqlar 09:00 dan 18:00 gacha qabul qilinadi, sayt kechayu kunduz ishlaydi.
Call-markaz xodimi so‘rovnomani to‘ldiradi va ma’lumotlarni tasdiqlaganidan so‘ng arizachiga to‘lov schyot-fakturasini yuboradi. To‘lovni amalga oshirgandan so‘ng, u davlat xizmatlarini ko‘rsatish yoki uni olish uchun ariza yuborish uchun belgilangan joyga jo‘naydi.
Haydovchilik guvohnomasi, ID-karta va biometrik pasport va PINFLni olishda bu imkoniyat mavjud emas.
Joriy yilning dekabr oyi boshiga qadar davlat xizmatlari markazlarida o‘z-o‘ziga xizmat ko‘rsatish punktlari paydo bo‘ladi. Birinchi bosqichda ular 14 ta tashkilotga o‘rnatiladi.
Eslatib o‘tamiz, endilikda sport pasportini davlat xizmatlari markazlari orqali olish mumkin.
