Janubiy Koreya O‘zbekiston bilan qaysi sohalarda hamkorlik qilishga tayyor?

Janubiy Koreya bosh vaziri Xan Dak Su O‘zbekiston tashqi ishlar vaziri Baxtiyor Saidov bilan uchrashuvda Toshkentni energetika va mineral xomashyo ta’minoti sohasida yaqin hamkorlikka chaqirdi. Bu haqda The Korea Times internet nashri xabar berdi.

Tomonlar, shuningdek, tibbiyot, infratuzilma loyihalari va milliy mudofaa sohasidagi hamkorlikni kuchaytirishni rejalashtirmoqda.

Xan O‘zbekiston hukumatidan mamlakatimizda yirik loyihalarni amalga oshirishda ishtirok etish istagida bo‘lgan Janubiy Koreya kompaniyalarini qo‘llab-quvvatlashni so‘radi.

Oʻz navbatida Saidov Oʻzbekiston koreyalik tadbirkorlar bilan yaqin hamkorlikni davom ettirishini taʼkidladi. Shu haftada Toshkent qoʻshma biznes-forumda ishtirok etish uchun Janubiy Koreyaga delegatsiya yuboradi.

Oʻzbekiston Statistika agentligi maʼlumotlariga koʻra, 2023-yilning yetti oyida mamlakatlar oʻrtasidagi tovar ayirboshlash hajmi 1,3 milliard dollarga yetgan boʻlsa, 2022-yilning shu davrida bu koʻrsatkich 1,4 milliard dollarni tashkil etgan.

Avvalroq, «Kursiv» Janubiy Koreyaning O‘zbekiston iqtisodiyotiga kiritgan sarmoyasi 7 milliard dollardan oshganini yozgan edi.