O‘tgan hafta Shimoliy Afrikadagi Marokash davlatida sodir bo‘lgan dahshatli zilzila oqibatida 2700 ga yaqin odam halok bo‘ldi, deya xabar bermoqda «Sinxua» axborot agentligi.
Yangilangan maʼlumotlarga koʻra, qurbonlar soni 2681 kishiga yetgan. Bundan tashqari, 2501 nafar aholi jarohatlangan. Mamlakatning tog’li hududlarida qutqaruv ishlari davom etmoqda, ya’ni bu qiymatlar oshishi mumkin.
Juma kuni kech Marokashda 6,8 magnitudali zilzila yuz berdi. Mamlakat uchun u so’nggi 60 yildagi eng kuchli bo’ldi.
«Kursiv» xabar berganidek, O‘zbekiston Prezidenti Shavkat Mirziyoyev Marokash Qiroliga fojia munosabati bilan hamdardlik bildirdi.
