Financial Times: Xitoy mudofaa vaziri tergov ostida

AQSh rasmiylari Xitoy Mudofaa vazirligi rahbari Li Shanfu tergov ostida, deb hisoblamoqda, yozadi The Financial Times manbalarga tayanib.

Ularga ko‘ra, ikki haftadan ko‘proq vaqt davomida omma oldiga chiqmagan Li o‘z lavozimidan mahrum qilingan.

Oq uy ma’muriyati mavjud vaziyatga izoh bermadi, shuningdek, Xitoyning Vashingtondagi elchixonasi ham nashr so’roviga javob bermadi.

14-sentabr, payshanba kuni Xitoy mudofaa vazirligi Vyetnam mudofaa vazirligi rahbari bilan uchrashuvni bekor qildi. Pekin Li Shangfu sog’lig’i sababli uchrashuvni bekor qilganini keltirdi. Shunga o’xshash sabab Xitoyning sobiq tashqi ishlar vaziri Sin Gang g’oyib bo’lishidan oldin rasmiylar tomonidan aytilgan edi.

Li Shangfu 1958 yilda Chengdu shahrida (Sichuan viloyati) tug‘ilgan. U shu yilning mart oyidan boshlab Xitoy Mudofaa vazirligi lavozimida Vey Fenxe o‘rnida ishlab kelmoqda. Bo‘limga rahbarlik qilishdan avval Li besh yil davomida Markaziy harbiy komissiyaning texnologiyalarni rivojlantirish bo‘limi boshlig‘i bo‘lgan.

2018-yildan beri Li Shanfu Xitoy armiyasi Rossiya qurollari, xususan, Su-35 qiruvchi samolyotlari va S-400 Triumf zenit-raketa komplekslarini sotib olgani sababli Amerika sanksiyalari ostida edi.

Eslatib o‘tamiz, avvalroq, «Kursiv» AQSh Davlat departamenti joriy dunyo tartibi tugatilganini e’lon qilganini yozgan edi.