Turkiyada Rossiya gaz markazini yaratish loyihani boshqarish borasidagi kelishmovchiliklar tufayli qiyinchilik bilan davom etmoqda. Bu haqda manbalarga tayanib, Reuters xabar berdi.
«Boshqaruvda muammolar bor. Tomonlar markazni kim boshqarishi kerakligi ustida kurashmoqda», – dedi anonimlik sharti bilan agentlik suhbatdoshi. Bu ma`lumotni Reuters agentligining boshqa manbasi tasdiqladi.
Agentlik hech qanday rasmiy izoh bermadi.
Turkiyadagi gaz xabi g‘oyasi Rossiya prezidenti Vladimir Putin tomonidan 2022-yilning kuzida taklif qilingan edi. Shu tariqa, «Shimoliy oqim» gaz quvuridagi portlashlardan keyin xomashyo eksportini Yevropadan boshqa mamlakatlarga yo‘naltirish rejalashtirilgan edi.
Agentlikning qayd etishicha, G‘arb Rossiyaning Turkiyada loyihani amalga oshirish orqali sanksiyalarni chetlab o‘tishi ehtimolidan xavotirda. Bu davlat Rossiya Federatsiyasi bilan do’stona munosabatlarni saqlab turadi, ammo NATO ittifoqining a’zosi hisoblanadi.
May oyida Kursiv bir yil ichida Turkiyada gaz markazini ishga tushirmoqchi ekanliklarini yozgan edi.
