O‘zbekiston prezidenti Shavkat Mirziyoyev Markaziy Osiyoda suv taqchilligi muammosi o‘tkir va bundan ham og‘irlashishini aytdi. Bu haqda davlat rahbari Orolni qutqarish xalqaro jamg‘armasi ta’sischi davlatlari rahbarlari kengashida majlisidagi o‘z nutqida aytdi.
«Ekspertlarning hisob-kitoblariga ko‘ra, Markaziy Osiyoning ayrim mintaqalarida 2040 yilga borib suv resurslariga bo‘lgan ehtiyoj uch barobar oshadi. Vaqt o‘tishi bilan iqtisodiy zarar yalpi mintaqaviy mahsulotning 11 foiziga yetishi mumkin», – dedi prezident.
Davlat rahbari BMT maʼlumotlarini keltirdi. Mintaqa davlatlari suv resurslari taqchilligi va undan samarasiz foydalanish oqibatida yiliga $2 mlrdgacha mablag‘ yo‘qotmoqda.
Prezident xulosasiga ko‘ra, bularning barchasi Jamg‘arma doirasida uzoq muddatli istiqbolga mo‘ljallangan kelishilgan yangi qarorlarni ishlab chiqish va amalga oshirishni talab etmoqda.
Avvalroq, «Kursiv» O‘zbekistonda suv inqirozidan qanday qutulish haqida yozgan edi. XVJ rahbari Kristalina Georgievaning so‘zlariga ko‘ra, mamlakatda islohotlar o‘tkazish va suv narxini bozorga moslashtirish lozim.
