Qozog‘iston Rossiyadagi valyuta savdolarida ishtirok etishga ruxsat beriladigan hamkor va neytral mamlakatlar brokerlarining yangilangan ro‘yxatidan tushib qoldi va yana paydo bo‘ldi.
Hammasi bo’lib 30 dan ortiq davlatlar do’st va neytral davlatlar ro’yxatiga kiritilgan. Biroq bugun ertalab chop etilgan asl nusxada ijtimoiy tarmoq foydalanuvchilari hayratga tushgan holda Qozog‘iston va Gruziyani topa olishmadi.
Biroz vaqt o’tgach, Qozog’iston Respublikasi ro’yxatga qaytarildi. Holat texnik xato deb izohlandi. Biroq, bu texnik xato Gruziyaning ro’yxatda yo’qligiga sabab deb ko’rsatilmadi.
Eslatib o‘tamiz, Rossiya Federatsiyasi do‘stona va neytral deb hisoblagan mamlakatlarga Rossiya valyuta bozorida, shuningdek derivativlar bozorida savdo qilishga ruxsat beriladi. Ular orasida O‘zbekiston ham bor.
Avvalroq, «Kursiv» Markaziy Osiyo davlatlari milliy valyutadagi o‘zaro hisob-kitoblar ulushini oshirishni rejalashtirayotgani haqida yozgan edi.
