Oliy Majlis Senatining 45-yalpi majlisida sog‘lom shaxslarga farmakologik yoki dori vositalarining klinik sinovlarida ixtiyoriy ravishda ishtirok etish imkonini beruvchi farmatsevtika sanoatini takomillashtirish to‘g‘risidagi qonunni ma’qulladi.
Hujjat, shuningdek, mahalliy ishlab chiqarilgan dori vositalari va tibbiyot texnikasini ro‘yxatdan o‘tkazish guvohnomalarining amal qilish muddatlarini o‘zgartiradi hamda bir ishlab chiqaruvchidan, bir xil tarkibga ega, turli savdo nomlari ostidagi dori vositalarini ro‘yxatdan o‘tkazish imkonini beradi.
Bundan tashqari, donor qoni va uning tarkibiy qismlaridan mahsulot ishlab chiqaruvchi farmatsevtika ishlab chiqaruvchilariga donor qoni va uning tarkibiy qismlarini yig‘ish, tayyorlash, qayta ishlash va saqlashga ruxsat beriladi.
Senatorlar mazkur qonun qon mahsulotlariga bo‘lgan ehtiyojni mahalliy ishlab chiqarish hisobiga qoplash, shuningdek, yangi turdagi dori vositalarini ishlab chiqarish imkonini berishini ta’kidladilar.
Avvalroq, o‘sha majlisda senatorlar o‘qituvchilar maqomini oshirish to‘g‘risidagi qonunni ma’qullagan edi.
