O‘zbekiston innovatsiyalar bo‘yicha dunyoda qaysi o‘rinni egallaydi?
O‘zbekiston 2023 yilgi Global Innovatsiyalar indeksida 82-o‘rinda qoldi, biroq ayni paytda iqtisodiyot maqomini birinchi marta 2022 yilda erishilgan innovatsiyalarni tez sur’atlar bilan rivojlantiruvchi sifatida saqlab qoldi.
Global Innovatsiyalar indeksi 2023: O‘zbekiston innovatsiyalarni tezroq rivojlantiruvchi iqtisodiyot maqomini saqlab, 82-o‘rinda qoldi
Markaziy va Janubiy Osiyoda mamlakatimiz birinchi o‘rinni Qozog‘istonga boy berib, ikkinchi o‘rinni egallab turibdi.
Shuningdek, Marokash, Misr va Pokiston bilan bir qatorda O‘zbekiston Respublikasi ham so‘nggi o‘n yillikda innovatsiyalar sohasida eng muvaffaqiyatli mamlakatlardan biri sifatida e’tirof etildi.
Bundan tashqari, joriy yilda O‘zbekiston investitsiya qilingan resurslarni ishlab chiqarilgan natijaga aylantirish bo‘yicha muvaffaqiyatga erishgani, bu ko‘rsatkich bo‘yicha endilikda ortda qolmayotgani ta’kidlandi.
Global innovatsiyalar indeksi 81 ko‘rsatkichga asoslanadi va 132 mamlakat uchun hisoblab chiqilgan.
Bu yil Shveytsariya indeks yetakchisi sifatida tan olingan, Shvetsiya ikkinchi o‘rinda, AQSH, Buyuk Britaniya va Singapur uchinchi o‘rinda.
10 ta eng innovatsion mamlakatlar qatoriga Gollandiya, Koreya, Germaniya, Finlyandiya va Daniya ham kiradi.
Avvalroq, «Kursiv» O‘zbekiston ochiq gender ma’lumotlari indeksida 70 ball to‘plagan holda 195 davlat orasida 30-o‘rinni egallagani haqida yozgan edi.
