O‘zbekiston Prezidenti Shavkat Mirziyoyev Berlindagi Bellevyu saroyiga keldi, deya xabar bermoqda davlat rahbari matbuot xizmati. Kelgach, uni Germaniya Federativ Respublikasi rahbari Frank Valter-Shtaynmayer kutib oldi.
Bugun Mirziyoyev Markaziy Osiyo davlatlari va Germaniya davlat rahbarlarining uchrashuvida ishtirok etadi hamda Frank Valter-Shtaynmayer bilan ikki tomonlama muzokaralar olib boradi.
Eslatib o‘tamiz, avvalroq Mirziyoyevni Berlin aeroportida Berlin Federal shtati ichki ishlar, raqamlashtirish va sport vaziri Iris Spranger kutib olgandi.
