Bu hafta O‘zbekistonda qanday ob-havo kuzatiladi?

Bugun va ertaga (3 va 4 oktyabr) O‘zbekiston hududi bo‘yicha quruq va iliq ob-havo bo‘lishi kutilmoqda. Havo harorati kechalari 10-15^o, kunduz kunlari 23-28^o bo‘ladi. Hafta oxirida yomg‘ir yog‘ishi kutilmoqda, deb xabar bermoqda «O‘zgidromet».

Quruq va iliq ob-havo payshanba kuni (5 oktabr) mamlakatimizning katta qismida saqlanib turadi. Ammo respublikaning shimoliy hududlariga Kaspiy dengizi hududidan nam va salqin havo massalari kirib kelishi kutilmoqda. Qoraqalpog‘istonda va Xorazm viloyatida ba’zi joylarda biroz yomg‘ir yog‘ishi mumkin.

6 oktabrda O‘zbekistonning ba’zi joylarda yomg‘ir yog‘adi. Ayrim joylarda shamol tezligi 13-18 m/s gacha kuchayadi. Havo harorati kechasi 10-15^o, kunduzi 20-25^o bo‘ladi.

Toshkentda asosan yog‘ingarchilik kutilmaydi, faqat 6 oktabrda yomg‘ir yog‘ishi mumkin.

Avvalroq, «Kursiv» O‘zbekistonning Qashqadaryo viloyatidagi «Hisor» qo‘riqxonasida qor yog‘gani haqida yozgan edi.