1-oktabrdan Toshkent shahri bo‘ylab qatnovchi 11, 40, 45, 47, 61, 67, 76, 77, 94, 106-sonli avtobus yo‘nalishlariga o‘zgartirishlar kiritildi. Bu aeroport va Bobur koʻchasini bogʻlovchi koʻprikni taʼmirlash ishlari boshlanishi munosabati bilan sodir boʻldi, deb xabar qildi «Toshshahartransxizmat» kompaniyasi.
Avtobuslar ish olib borilayotgan hududlarni aylanib o’tadi va ba’zi bekatlarni o’tkazib yuboradi. O’zgarishlar vaqtinchalik.
«Kursiv» iyul oyi boshida Toshkentning Yakkasaroy tumanida aeroportga olib boruvchi ko‘prik yopilgani haqida yozgan edi.
