O‘zbekiston Hind okeani portlariga chiqish bo‘yicha faol ish olib bormoqda

O‘zbekiston Respublikasi O‘zbekiston – Afg‘oniston – Pokiston orqali Hind okeani portlariga chiqadigan mintaqaviy koridor yaratish g‘oyasini faol ilgari surmoqda. Bu haqda Ostonada boʻlib oʻtgan «New Silk Way» VI xalqaro transport va logistika biznes-forumida Oʻzbekiston Respublikasi transport vaziri Ilhom Maxkamov maʼlum qildi.

Uning so‘zlariga ko‘ra, bugungi kunda dunyodagi geosiyosiy vaziyat tufayli intermodal va multimodal tashishni yo‘lga qo‘yish muhim ahamiyatga ega. Shu munosabat bilan O‘zbekiston mintaqada multimodal transport yo‘laklarini rivojlantirish choralarini ko‘rmoqda.

Uning so‘zlariga ko‘ra, 2022-yilda Afg‘oniston orqali Pokistonga tranzit yuk tashish hajmi ikki baravar ko‘payib, 670 ming tonnani tashkil etdi. 2023-yil oxiriga kelib, yuk tashish hajmi 1 million tonnadan oshib ketishi kutilmoqda.