Oʻzbekistonning «Melek best milk agro» kompaniyasi va Rossiya Federatsiyasining «Shaxunskoye Milk» savdo uyi Oʻzbekiston Respublikasiga sut mahsulotlari yetkazib berishni tashkil etishga kelishib oldi, deb xabar qildi Nijniy Novgorod viloyati hukumati matbuot xizmati.
Nijniy Novgorod viloyati gubernatori o‘rinbosari Andrey Sanosyan hamda viloyat qishloq xo‘jaligi va oziq-ovqat resurslari vaziri Nikolay Denisov ishtirokida Moskvada bo‘lib o‘tgan «Oltin kuz-2023» Butunrossiya agrar ko‘rgazmasi doirasida kelishuvga erishildi.
O‘zbekiston korxonalari qishloq xo‘jaligi mahsulotlari eksportini rivojlantirish borasida biz uchun istiqbolli hamkorlardir. Kompaniyalarimiz sut-yogʻ va yogʻ mahsulotlaridan tashqari respublikaga parranda goʻshti yetkazib berish boʻyicha muzokaralar olib bormoqda”, – dedi Denisov.
«Shaxunskoye moloko» agroxolding bosh direktori Aleksandr Malikovning so‘zlariga ko‘ra, yaqin kunlarda eksport boshlanadi. Kelgusida tomonlar yetkazib beriladigan mahsulotlar turini kengaytirishni rejalashtirgan.
Avvalroq, «Kursiv» 2023-yilning yanvar-iyun oylarida O‘zbekistonda 5,3 million tonna sut ishlab chiqarilgani haqida yozgan edi.
