O‘zbekistonning Isroildagi elchixonasi vatandoshlar asirga olingani haqidagi ma’lumotga izoh berdi

O‘zbekistonning Tel-Avivdagi elchixonasi HAMAS va Isroil o‘rtasidagi mojaro chog‘ida O‘zbekiston fuqarolarining qo‘lga olingani haqidagi OAV xabarlariga izoh berdi.

«Elchixonaga Isroil va G‘azo sektoridagi eskalatsiya zonalarida majburan ushlab turilganlar orasida O‘zbekiston Respublikasi fuqarolari borligi to‘g‘risida ma’lumot kelib tushmadi», — deyiladi xabarda.

Elchixona Isroildagi fuqarolarimizning hisobini tezlashtirilgan tarzda olib boradi. Buning uchun O‘zbekiston fuqarolari diplomatik vakolatxonaning elektron manziliga o‘zlari haqidagi ma’lumotlarni yuborishlari kerak.

Eslatib oʻtamiz, 7-oktabr kuni ertalab HAMAS guruhi «Al-Aqso boʻroni» operatsiyasini eʼlon qilgan edi. Isroilga bostirib kirishdan oldin Isroilga qarshi raketa otilgan.

Bunga javoban Quddus mamlakatning urush holatiga o‘tishi va G‘azo sektorini keng ko‘lamli hujum va bombardimon qilishga o‘tishini e’lon qildi.

11-oktabr kuni ertalab isroilliklar qurbonlari soni 1,2 ming kishiga, G‘azo sektori aholisi orasida qurbonlar soni 900 kishiga yetdi.

Avvalroq, «Kursiv» Qatar HAMAS va Isroil o‘rtasida asir almashishda vositachilik qilayotgani haqida yozgan edi.