O‘zbekistonning Farg‘ona viloyatining Marg‘ilon shahrida dam olish kunlarida «Ansor» savdo va xizmat ko‘rsatish markazi foydalanishga topshirildi. Investitsion loyiha qiymati 40 milliard soʻmni tashkil etdi, deb xabar qildi viloyat hokimligi.
Savdo markazini Farg‘ona viloyati hokimi Xayrullo Bozarov ochdi. Uning ta’kidlashicha, mazkur ob’ekt viloyat uchun katta ahamiyatga ega bo‘ladi, chunki u yerda 350 nafar mahalliy aholi ish topishi mumkin.
Majmua qurilishi 2022-yilda boshlangan.
Markazning umumiy maydoni 9,5 ming kv.m. Uning birinchi qavatida supermarket, qolgan qismida kiyim-kechak do’konlari, go’zallik salonlari, restoranlar va bolalar o’yin maydonchalari joylashgan.
«Kursiv» iyul oyida O‘zbekiston Prezidenti Shavkat Mirziyoyev Farg‘ona viloyatida sakkizta zavod va fabrikani ishga tushirgani haqida yozgan.
