Qurilish materiallari ishlab chiqaruvchi «Texnonikol» (Rossiya) kompaniyasi Angren shahrida zavod qurilishi haqida ma’lum qildi.
Toshkent viloyatidagi korxona 2025-yil boshida ishga tushirilishi rejalashtirilgan. Bu yerda yiliga 300 ming kub metr issiqlik izolyatsiyalovchi plitalar ishlab chiqariladi.
Texnonikol qurilish ishlari kelgusi yilda boshlanishini ta’kidladi. Loyihaga 160 milliard so‘m sarmoya kiritilishi belgilangan.
Texnonikol 1992-yilda tadbirkorlar Sergey Kolesnikov va Igor Rybakov tomonidan tashkil etilgan. Rossiyaning eng yirik xususiy kompaniyalari Forbes reytingida kompaniya 2020-yilda 115-o‘rinni egalladi.
Joriy yilning may oyidan buyon kompaniya Polsha sanksiyalari ro‘yxatiga kiritilgan. Bundan tashqari, Technonikolning Polsha aktivlari tashqi majburiy boshqaruvga o‘tdi.
Avvalroq, «Kursiv» Avstriyaning Lasselsberger Group kompaniyasi O‘zbekistonda yirik formatli chinni koshinlar ishlab chiqaradigan zavod qurishini yozgan edi.
