Ijtimoiy tarmoqlarda AI-80 benzini narxi oshishi haqida ma’lumotlar tarqalmoqda. «Kursiv» to‘rtta yoqilg‘i quyish shoxobchasiga qo‘ng‘iroq qilib, poytaxt haydovchilari orasida talab yuqori bo‘lgan benzin narxlari bilan bog‘liq vaziyat qanday ekanini aniqladi.
Shunday qilib, «O‘zbekneftgaz» AJ «UNG Petro» va «Lukoyl» yoqilg‘i quyish shoxobchalari tarmog‘ida narx o‘zgarishsiz qoldi – bir litr yoqilg‘i uchun 6 050 so‘m.
INTRAN SERVIS yoqilg‘i quyish shoxobchalarida narx o‘tgan haftadan 8,3 ming so‘mga oshgan. FathOil yoqilg‘i quyish shoxobchalarida ham AI-80 narxi oshgan – 8,2 ming so‘m.
Telegram’dagi «Toshkent haydovchilari» guruhida ular IBR yoqilg‘i quyish shoxobchalarida AI-80 narxi 7 ming so‘mga, DP’da esa 7,2 ming so‘mga va Mustang’da 7,5 ming so‘mga ko‘tarilganini yozishgan.
Eslatib o‘tamiz, 20-oktabr kuni ayrim UNG Petro yoqilg‘i quyish shoxobchalarida AI-80 benzin taqchilligi kuzatilgan edi. Keyinchalik kompaniya muammo o’sha kuni kechqurungacha hal qilinishiga ishontirdi.
