Xitoyning Xanchjou shahridagi Olimpiya markazi stadionida IV Paraosiyo o‘yinlari ochildi. Ularda 3 mingdan ortiq sportchi ishtirok etadi, deb xabar berdi Sinxua agentligi.
Tadbir Osiyoning 44 davlatidan 3,1 ming paralimpiyachini jamladi. Sportchilar 22 sport turi bo‘yicha 564 ta musobaqada ishtirok etadilar.
Xitoyda ikkinchi bor ParaOsiyo o’yinlari o’tkazilmoqda.
Eslatib o‘tamiz, avvalroq Xanchjou shahrida XIX yozgi Osiyo o‘yinlari yakuniga yetgan edi. «Kursiv» O‘zbekiston terma jamoasi musobaqani 71 ta medal bilan yakunladi, shundan 22 tasi oltin ekani haqida yozgan.
