Sentabr oyida O‘zbekistonning qaysi hududida ishbilarmonlik faolligi eng ko‘p oshgan

Iqtisodiy tadqiqotlar va islohotlar markazi sentabr oyida ishbilarmonlik faolligi indeksi (IDA) o‘sgan O‘zbekiston hududlarini aniqladi.

Oy davomida ko‘rsatkichning eng katta o‘sishi Jizzax – 38,4 foiz, Sirdaryo – 31,9 foiz va Qashqadaryo viloyatlarida – 21,6 foizga kuzatildi. O‘zbekistonda jami IDA 7,3 foizga oshdi.

Indeksning o’sishiga ta’sir ko’rsatgan omillar qatorida respublikada bank operatsiyalarining 2,8 foizga, tovar-xom ashyo birjasida xomashyo xaridlarining 13,8 foizga o’sishi qayd etilgan.

Oy davomida mamlakatimizda kichik biznes subyektlari soni qariyb 2 foizga oshib, 418,7 mingtaga yetdi. Fermer xo‘jaliklarida ham o‘sish 90,4 mingtadan 91,2 mingtaga yetdi.

Eslatib o‘tamiz, Jahon bankining (JB) 2023-yilga mo‘ljallangan «Ayollar, biznes va huquq» indeksida O‘zbekiston 100 balldan 70,6 ball to‘plagan edi. Mamlakatimiz iqtisodiyotining kuchli tomonlari O‘zbekiston fuqarolarining harakatchanligi va tadbirkorligi edi. Bu ko‘rsatkichlar bo‘yicha O‘zbekiston Respublikasi 100 ball to‘pladi.

Avvalroq, «Kursiv» joriy yilning avgust oyida IDA 11 foizga o‘sganini yozgan edi.