Reuters so‘rovi o‘tkazgan ekspertlarning fikriga ko‘ra, elektr transport vositalariga bo‘lgan qiziqish, sotuvlar kuchli o‘sishiga qaramay, avtomobil ishlab chiqaruvchilarning kutganlarini qondirmayapti.
«Kelgusi yilda elektromobillarga bo‘lgan talab kutilganidan past bo‘lishi mumkin», dedi LG Energy Solution kompaniyasi moliya direktori Li Chang Sil.
Bozor o’yinchilarining ishonchi yuqori foiz stavkalari tufayli pasaymoqda. Shu sababli Tesla bosh direktori Ilon Mask Meksikada zavod qurish rejalarini to’xtatdi.
«Agar foiz stavkalari yuqori bo’lib qolsa yoki ko’tarilsa, odamlar uchun mashina sotib olish ancha qiyin bo’ladi», dedi u.
Yana bir xavotirli chaqiriq Yaponiyaning Honda va Amerikaning General Motors kompaniyasi o‘rtasida arzon elektromobillar ishlab chiqarishni yo‘lga qo‘yish bo‘yicha kelishuvning buzilishi bo‘ldi. Avtomobil gigantlari 2027-yilda elektromotorli arzon avtomobillar ishlab chiqarishni boshlashini kutishgan.
Bungacha Volkswagen o’zining foyda prognozini pasaytirgan. Buning sababi uchinchi chorak oxirida xom ashyoni himoya qilish oqibatlari edi. Ushbu materiallarning ba’zilari batareyalarda qo’llaniladi.
Xususan, Xitoyning akkumulyator ishlab chiqaruvchi CATL kompaniyasi joriy yilning iyul-sentyabr oylarida foydaning 10,7 foizga oshgani haqida xabar berdi, bu 2022-yil boshidan beri eng zaif ko‘rsatkichdir.
Avvalroq, «Kursiv» Stellantis Xitoyning Zhejiang Leapmotor Technologies elektromobil ishlab chiqaruvchi kompaniyasining 20 foiz ulushini sotib olishini yozgan edi.
