WeWork bankrotlik to‘g‘risida ariza berishni rejalashtirmoqda

Bir paytlar dunyodagi eng muvaffaqiyatli yagona shoxli kompaniyalardan biri hisoblangan WeWork kovorking va ofislar tarmog‘i kelasi hafta bankrotlik to‘g‘risida ariza berishni rejalashtirmoqda, deb xabar berdi Reuters axborot agentligi manbalarga tayanib.

31-oktabr, seshanba kuni kompaniya kreditorlar bilan qarzining bir qismi bo‘yicha to‘lovlarni vaqtincha kechiktirish bo‘yicha shartnoma tuzganini ma’lum qildi. 2023-yil iyun oyi oxirida WeWork’ning sof uzoq muddatli qarzi 2,9 milliard dollarga, uzoq muddatli ijara shartnomalari bo‘yicha esa 13 milliard dollarga baholangan.

Kompaniya birjaga chiqishni rejalashtirgan 2019-yildan beri yaxshi holatda emas edi. Investorlar WeWork biznes modeliga, shuningdek, uning foydasizligiga shubha bilan qarashdi.

Ikki yil o’tgach, tarmoq ilgari rejalashtirilganidan ancha past baho bilan ommaga chiqishga muvaffaq bo’ldi. Kompaniyaning egasi, Yaponiyaning SoftBank xoldingi qo’llab-quvvatlash uchun o’nlab milliard dollar sarfladi, ammo WeWork pul yo’qotishda davom etmoqda. 2023-yilda uni top-menejerlar, jumladan bosh direktor Sandeep Mathrani tark etishdi.

WeWork 2010-yilda Adam Neumann va Migel MakKelvi tomonidan asos solingan. U 47 milliard dollarga baholangan dunyodagi muvaffaqiyatli startaplardan biri hisoblangan.

Avvalroq, «Kursiv» sun’iy yo‘ldoshni uchirish Virgin Orbit kompaniyasi bankrotlik tufayli o‘z ofis va jihozlarini sotganini yozgan edi.