Tijorat banklari 2-noyabr, payshanba kuni AQSh dollari 12 300 so‘mdan sotilib, yangi rekord darajaga ko‘tarildi.
Aksariyat muassasalarda dollar 12 310 so‘mdan sotilmoqda – bir kungidan 15-20 so‘mga qimmatroq. Sotib olish stavkasi 12 190 so‘mdan 12 240 so‘mgacha.
Eng arzon dollar «Hayot» va «Oktobank»da – har biri 12 270 so‘mdan. Eng qulay xarid kursi «O‘zsanoatqurilishbank» va Biznisni rivojlantirish bankidan taklif qilinmoqda – 12 245 so‘m.
Bir kun avval Markaziy bank dollarning rasmiy kursini 12 249 so‘m etib belgilagan. Savdo kunida esa dollar 14 so‘m 58 tiyinga qimmatlashdi.
10-avgust kuni Amerika valyutasi 12 ming so‘m chegarasidan o‘tdi. Rasmiy kursning 400 so‘mga sakrashi 2018-yilda valyuta bozori liberallashganidan beri eng keskin ko‘tarilgan. Keyingi haftalarda u yana bir necha bor rekordlarni yangiladi.
Markaziy bank raisi Mamarizo Nurmuratov dollar kursining oshishini import hajmining oshishi bosimi bilan bog‘ladi. Shuningdek, u joriy valyuta kursini tashqi savdo operatsiyalarining real ko‘rinishi deb atadi.
Avvalroq, «Kursiv» O‘zbekistonga xorijiy davlatlardan 8,4 milliard dollar pul jo‘natmalari kelib tushgani haqida yozgan edi.
