Ko‘pxotinlilikni targ‘ib qilish va jamoat joylarida burqa kiyish uchun jarima belgilandi
O‘zbekiston prezidenti Shavkat Mirziyoyev jamoat joylarida ko‘pxotinlilikni targ‘ib qilishni va burqa kiyishni taqiqlovchi qonunni imzoladi.
Endilikda FHDYoda imzo chekmagan shaxslar o‘rtasida diniy nikoh («nikoh») o‘tkazgani uchun 15-30 BRV (4,9 million so‘mdan 9,9 million so‘mgacha) miqdorida jarima solinadi. Ko’pxotinlilikni rag’batlantirish, shuningdek, uni targ’ib qilish xuddi shunday jarima yoki 15 sutkagacha ma’muriy qamoq bilan jazolanadi.
Jamoat joylarida yuzni berkituvchi va shaxsni aniqlashga imkon bermaydigan kiyim kiyish 10 dan 15 BRV (3,3 million so‘mdan 4,9 million so‘mgacha) miqdorida jarima solishga sabab bo‘ladi. Bundan tashqari, tibbiy sabablarga ko’ra, yo’l harakati xavfsizligi, madaniy yoki sport tadbirlari, shuningdek, ish va rasmiy faoliyat tufayli yuzni qoplaydigan bosh kiyimlar yoki boshqa narsalar bundan mustasno.
Gender diskriminatsiyasini targ‘ib qilish, shu jumladan, ayollar va erkaklar tengligini ochiqdan-ochiq inkor etish, shuningdek, bunday xatti-harakatni omma oldida oqlash va (yoki) rag‘batlantirish 10 dan 20 baravarigacha (3,3 million so‘mdan 6,6 million so‘mgacha) jarima solishga sabab bo‘ladi.
