AQShning yuqori martabali senatorlari Isroilning harbiy amaliyoti tufayli G‘azo sektorida tinch aholi qurbonlari sonidan xavotirda, deb xabar berdi Bloomberg.
«Isroil o’zini himoya qilish huquqiga ega, ammo Isroilning bu hujumga aloqasi bo’lmagan minglab va minglab begunoh erkaklar, ayollar va bolalarni o’ldirishga haqqi yo’q», dedi Vermont shtati senatori Berni Sanders.
Senat Qurolli kuchlar qo‘mitasi raisi Jek Rid Quddusni AQSh razvedkasidan foydalanishga chaqirdi. Siyosatchining fikricha, bu tinch aholiga yetkaziladigan zararni minimallashtiradi.
Bloombergning ta’kidlashicha, ba’zi demokratlar va boshqa partiyalar a’zolari Isroilning Falastinning HAMAS guruhiga qarshi harbiy kampaniyasi davom etayotgan va minglab odamlarning hayotiga zomin bo’lganidan xavotir va tanqidiy fikrlar bildirishmoqda.
Amerika musulmonlari HAMAS jangarilariga qarshi kurashda Quddusni qo‘llab-quvvatlayotgan AQSh prezidenti Jo Baydenni tanqid qildi. 4-noyabr, shanba kuni Vashingtonda 10 ming kishi ishtirok etgan namoyish bo‘lib o‘tdi.
O’z navbatida, Bayden ma’muriyati HAMAS tomonidan garovga olinganlarni ozod qilish uchun harbiy harakatlarni to’xtatishni taklif qilmoqda.
Avvalroq, «Kursiv» o‘tgan dam olish kunlari G‘azo sektorini birorta ham xorijlik tark eta olmaganini yozgan edi.
