«Navoiyuran» davlat korxonasi va Xitoyning CNNC korporatsiyasi o‘rtasida strategik hamkorlik memorandumi imzolandi.
Pekinda tabiiy uran sanoatini rivojlantirish bo‘yicha birinchi xalqaro forum doirasida hujjat imzolanishi bo‘lib o‘tdi.
CNNC 1955 yilda paydo bo’lgan. Korporatsiya uranni boyitish, atom elektr stansiyalariga texnik xizmat ko’rsatish va yadro reaktorlarini ishlab chiqarish bilan shug’ullanadi. Kompaniya, shuningdek, Mongoliya, Qozog’iston, Niger, Namibiya va Zimbabveda radioaktiv metall va ko’mir qazib oladi.
CNNC sho’ba korxonalari suvni chuchuklantirish, vodorod ishlab chiqarish va muqobil energiya manbalarini rivojlantirish bilan shug’ullanadi.
Avvalroq, Kursiv 2022-yilda O‘zbekiston Yevropa Ittifoqiga uran eksportini qariyb 3 baravar oshirgani haqida yozgan edi.
