Qoʻshma Shtatlar Oʻzbekistonning madaniy merosini saqlashga yordam beradi

AQSH va Oʻzbekiston Respublikasi oʻrtasida Oʻzbekistondan arxeologik va etnologik materiallar olib kirishga cheklovlar joriy etish toʻgʻrisida Bitim qabul qilindi. Hujjatni Madaniy meros agentligi rahbari Bahodir Abdikarimov va AQShning O‘zbekiston Respublikasidagi elchisi Jonatan Xenik imzoladi.

Abdikarimovning so‘zlariga ko‘ra, kelishuv muzey ashyolarining noqonuniy aylanishining oldini olish, shuningdek, ularni o‘z vataniga qaytarishga yordam beradi.

Hujjat talon-taroj qilish xavfi ostida bo‘lgan arxeologik va etnologik obyektlarni AQShga olib kirishni taqiqlaydi. Shuningdek, kadrlar tayyorlash va qo‘shma ko‘rgazmalar o‘tkazish ham nazarda tutilgan. Jonatan Xenikning aytishicha, O‘zbekiston Markaziy Osiyo mintaqasida AQSh bilan bunday kelishuvni birinchi bo‘lib qabul qilmoqda.

Xenik Vashington Oʻzbekistondagi madaniy meros obyektlarini muhofaza qilish va restavratsiya qilish uchun 1 million dollar ajratganini taʼkidladi.

Qashqadaryodagi XIV asrda vayronaga aylangan «Namozg‘oh» masjidi yil oxirigacha qayta tiklanishi va’da qilingani haqida avvalroq xabar berilgan edi.