Bir yarim yil ichida birinchi marta Bitkoin narxi 36 ming dollardan oshdi, deb yozadi «Kommersant».
Toshkent vaqti bilan soat 08:55 holatiga ko‘ra kriptovalyuta narxi 36 398 dollarni tashkil etgan edi. Ko‘rsatkich 3,2 foizga oshdi. Bitkoin oxirgi marta 2022-yilning may oyida 36 ming dollarga ko‘tarilgan edi.
Nashrning yozishicha, kriptovalyuta kurslari oktabr oyida Isroil va Falastin o‘rtasidagi ziddiyat, shuningdek, ixtisoslashtirilgan birja fondini yaratish haqidagi xabarlar tufayli ko‘tarila boshlagan.
«Kommersant» intervyu olgan ekspertlar fikriga ko‘ra, yaqin kelajakda kriptovalyutalar qiymatining sezilarli o‘sishi kutilmaydi, biroq 2024-yilda kriptovalyuta kursi o‘zgarishi mumkin.
«Kursiv» kelgusi bir necha oy ichida kriptovalyuta almashinuv fondini yaratish rejalari haqida xabar bergan edi. Bu ko‘p sarmoyadorlarga bitimlarda ishtirok etish imkonini yaratadi.
