Nepal ijtimoiy totuvlikni buzgani uchun TikTokni taqiqlaydi

Nepal hukumati mamlakatda TikTok ijtimoiy tarmog‘ini taqiqlash niyatida, deb xabar berdi Reuters.

Nepal Raqamli rivojlanish vazirligi rahbari Rekxa Sharmaning so‘zlariga ko‘ra, Vazirlar Mahkamasi yig‘ilishi yakunlari bo‘yicha qaror qabul qilingan. Uning qoʻshimcha qilishicha, internet-provayderlar tegishli buyurtma olgan.

Katmandu TikTok ijtimoiy totuvlikni buzadi va oilaviy munosabatlarga salbiy ta’sir qiladi, deb hisoblaydi. Mamlakatda ijtimoiy tarmoqlar bilan bog‘liq jinoyatlar ham ko‘paygan.

Eslatib o‘tamiz, uch yil avval Nepalning qo‘shnisi Hindiston milliy xavfsizlikka putur yetkazishidan qo‘rqib, xizmatga kirishni to‘sib qo‘ygan edi.

O‘zbekistonda 2021-yildan beri TikTok’dan foydalanish cheklangan. 2023-yil avgust oyida Qirg‘iziston hukumati ijtimoiy tarmoqni taqiqlash niyatida ekanligini ma’lum qildi.

Avvalroq, «Kursiv» Meta va TikTok dezinformatsiya tarqatishda gumon qilinayotganini yozgan edi.