2024-yilda O‘zbekistonning 2 mln fuqarosi tadbirkorlik bilan shug‘ullanishi rejalashtirilmoqda. Bu maqsad O‘zbekiston prezidenti Shavkat Mirziyoyevning qarorida ko‘rsatilgan.
Buning uchun respublika komissiyasi 15-dekabrga qadar mazkur masala bo‘yicha hududlar va davlat dasturlari yo‘nalishlari bo‘yicha vazifalarni belgilashi lozim.
Bundan tashqari, ATB «Biznesni rivojlantirish banki» va «Tadbirkorlikni rivojlantirish kompaniyasi» AJ faoliyatida asosiy maqsadlarga erishish bo‘yicha chora-tadbirlar ishlab chiqish zarur bo‘ladi.
Komissiyaning har bir a’zosi bir oy muddatda o‘zlariga biriktirilgan viloyatning har bir tuman va shaharlariga borib, aholi va tadbirkorlar uchun o‘quv seminarlarini tashkil etishi lozim.
«Biznesni rivojlantirish banki» tomonidan kichik biznes sub’yektlariga ajratilgan kreditlar qoldigʻi 1,7 barobarga koʻpaytirilishi haqida avval xabar berilgan edi. Shunday qilib, moliya institutining kredit portfelidagi ulushi 28 foizdan 43 % oshadi.
