Xav’er Miley Argentinaning yangi prezidenti bo‘ldi, deb xabar berdi «Interfaks». Unga saylovchilarning 55 foizi ovoz berdi.
Uning raqibi Argentina iqtisodiyot vaziri Serxio Massa 45% ovoz to‘pladi.
Miley Argentinada AQSh dollarini milliy valyuta sifatida joriy etish va Markaziy bankni tarqatib yuborish taklifi bilan mashhur.
U AQSh va Isroil bilan hamkorlikni tashqi siyosatda ustuvor yo‘nalish deb biladi. Miley ham mamlakatning BRIKSga qo‘shilishiga qarshi.
Avvalroq, «Kursiv» Amerika sudi Donald Trampga AQSh prezidentligi saylovlarida ishtirok etishga ruxsat bergani haqida yozgan edi.
