Oʻzbekiston va Moʻgʻuliston toʻgʻridan-toʻgʻri reyslar orqali bogʻlanadi
Oʻzbekiston va Moʻgʻuliston avtomobil transporti va havo qatnovi boʻyicha shartnomalar tuzadi, deb xabar berdi MONTSAME.
Bu haqda O‘zbekiston Respublikasining Xitoy va Mo‘g‘ulistondagi elchisi Farxod Arziyev va Mo‘g‘uliston transport vazirligi rahbari Sandangiin Byambasogt kelishib oldi.
Havo qatnovi toʻgʻrisidagi kelishuv Oʻzbekiston sabzavot va mevalarini yetkazib berish orqali tranzit yoʻlovchilar sonini oshirishi kutilmoqda.
Elchi ikki davlatning yoʻl-transport sohasi va kommunikatsiyalarini rivojlantirish uning uchun ustuvor yoʻnalish ekanini taʼkidladi.
Avtomobil transporti boʻyicha kelishuv Yevropa tovarlarini Oʻzbekiston va Moʻgʻuliston orqali XXRga yetkazib berish imkonini beradi.
Arziev ikki davlat oʻrtasidagi tovar ayirboshlash hajmi 7 million dollarga yetganini qoʻshimcha qildi. Bu koʻrsatkichni Oʻzbekiston Respublikasidan qishloq xoʻjaligi mahsulotlarini eksport qilish hamda goʻsht va jun mahsulotlarini import qilish hisobiga kengaytirish rejalashtirilgan.
Eslatib oʻtamiz, Toshkent va Ulan-Bator oʻrtasida toʻgʻridan-toʻgʻri aviaqatnovlarni yoʻlga qoʻyish masalasi 2019-yildan beri muhokama qilinmoqda. Ikki davlat oʻrtasidagi reyslar Moʻgʻuliston fuqarolariga mamlakatimizdagi buddizm ziyoratgohlari va boshqa tarixiy obidalarni ziyorat qilish imkonini beradi.
Avvalroq, «Kursiv» Mo‘g‘uliston O‘zbekistonda elchixonasi ochishini yozgan edi.
