Yanvar-oktabr oylarida Vladivostok dengiz savdo porti (VMTP) O‘zbekistonga 13,6 ming yigirma fut ekvivalent birlik (TEU) bo‘lgan yuk jo‘natdi. Bu o‘tgan yilga nisbatan 43,5 foizga ko‘pdir.
VMTP Zolotoy Rog ko’rfazida va Amur ko’rfazining sharqiy qirg’og’ida joylashgan. Port Rossiyaning Uzoq Sharqidagi asosiy transport markazlaridan biri hisoblanadi. Eslatib o‘tamiz, dengiz porti 2007 yilning yozidan buyon FESCO tarkibiga kiradi.
Port yuk tashish va bojxona rasmiylashtiruvi kabi xizmatlarni taqdim etadi. VMTP ning yillik o’tkazish quvvati 4 million tonnadan ortiq, suyuq yuk – 480 ming tonnaga baholanmoqda.
Avvalroq, «Kursiv» O‘zbekiston Boku portida terminal ochishni rejalashtirayotgani haqida yozgan edi.
