Qimmatli qog‘ozlar bilan operatsiyalar bo‘yicha yangi tariflarni joriy etish rejalashtirilmoqda

«Qimmatli qog‘ozlar bozori axborot-resurs markazi» DUK qimmatli qog‘ozlar bilan operatsiyalar bo‘yicha tariflarni qayta ko‘rib chiqishi mumkin.

Xususan, garov bilan bog‘liq operatsiyalar bo‘yicha tariflarni 0,15 foizdan 0,05 foizga, hadya shartnomasi bo‘yicha esa 0,15 foizdan 0,02 foizga pasaytirish taklif etilmoqda.

Shuningdek, ta’sischi bilan hisob-kitob qilishda qimmatli qog‘ozlarni o‘tkazish bo‘yicha stavkani 0,15 foizdan 0,10 foizga kamaytirish ko‘zda tutilgan.

Eslatib o‘tamiz, joriy yilning bahorida O‘zbekiston Respublikasi kapital bozorining yirik ishtirokchilari davlat rahbari Shavkat Mirziyoyevga markazning tarif siyosatini qayta ko‘rib chiqish iltimosi bilan murojaat qilgan edi. Chunki o‘tgan yili qabul qilingan o‘zgarishlar kompaniyalarning moliyaviy xarajatlarini oshirdi.

Avvalroq, «Kursiv» «Qishloq qurilish bank»ning birja tikerlari yangi nomlarga ega bo‘ldi, deb xabar bergan edi.