O‘zbekistonda Doc-1 Max ishi bo‘yicha sud jarayoni to‘xtatildi

Doc-1 Max siropi bo’yicha ishni ko’rib chiqish bir oyga to‘xtatildi. Bu haqda Jinoyat ishlari bo‘yicha Toshkent shahar sudi qaror chiqardi.

Sud jarayonining to‘xtatilishiga sabablardan biri tergov tomonidan yana bir qancha gumonlanuvchilarga nisbatan ayblovlar qo‘yilgani bo‘lgan.

Joriy yilning avgust oyi holatiga ko‘ra, mazkur ish bo‘yicha 21 kishi, jumladan, O‘zbekiston farmatsevtika agentligining sobiq rahbari Sardor Qoriyev ham bor.

Eslatib o‘tamiz, O‘zbekistonda Doc-1 Max tufayli 65 nafar bola halok bo‘lgan edi. Dori Hindistonning Marion Biotech farmatsevtika kompaniyasi tomonidan ishlab chiqarilgan. Reuters agentligiga ko‘ra, dori tarkibiga odamlar uchun zaharli bo‘lgan texnik propilen glikol qo‘shilgan.

JSST ma’lumotlariga ko‘ra, joriy yil boshida butun dunyo bo’ylab 300 dan ortiq odam sirop ichish tufayli vafot etgan.

Avvalroq, «Kursiv» bolalarning Antistrumin bilan zaharlanishi sababli Sog‘liqni saqlash vazirligining uch xodimi qo‘lga olingani haqida yozgan edi.