O‘zbekiston va BAA muqobil energiyani rivojlantiradi

O‘zbekiston va BAA o‘rtasida iqtisodiyotning ustuvor tarmoqlari – «yashil» elektr energiyasini ishlab chiqarish va uzatishga investitsiyalarni rivojlantirish bo‘yicha memorandum imzolandi.

Bu haqdagi hujjatni O‘zbekiston Investitsiyalar vazirligi rahbari Laziz Qudratov, Energetika vaziri Jo‘rabek Mirzamaxmudov va BAA Investitsiyalar vaziri Muhammad al-Suvaydiy imzoladi.

Imzolangan memorandum muqobil energiya sohasida qo‘shma dasturlarni amalga oshirish va axborot almashish uchun investitsiyalarni jalb qilish imkonini beradi. Bundan tashqari, tomonlar davlatlar oʻrtasidagi hamkorlikni kelgusida rivojlantirish rejasini ishlab chiqishga kelishib oldilar.

Eslatib o‘tamiz, joriy yilning oktabr oyi o‘rtalarida Qudratov mamlakatimizda quyosh, shamol va gidroelektr stansiyalarini qurish bo‘yicha kelishuvga erishgan edi.

Avvalroq, «Kursiv» O‘zbekiston Masdar bilan strategik sheriklik shartnomasini imzolagani haqida xabar bergan edi.