Tanuki asoschisi: Rossiya Federatsiyasida jinoyat ishi kutilmagan surpriz bo‘ldi
Rossiyalik restorator Aleksandr Orlov Forbes Kazakhstan nashriga o‘zini qidiruvga berilgani va Rossiya Federatsiyasida jinoiy ish qo‘zg‘atilgani haqida fikr bildirdi.
Tergovga «Moskva-sity» fitnes markazi uchun ijara bo‘yicha qarzlar sabab bo‘lgan. Tadbirkorning so‘zlariga ko‘ra, bu yangilik u uchun kutilmagan surpriz bo‘lgan, chunki sudda ikki yildan beri fuqarolik ishi bo‘yicha ko‘rib chiqilayotgan edi. Orlovning qo‘shimcha qilishicha, u fitnes markaziga investorlardan biri bo‘lgan, biroq biznesga hech qanday ta’sir ko‘rsatmagan.
Restorator ta’kidlashicha, uning advokatlari bu masalani hal qilishmoqda va yaqin orada bu sud jarayoni yopiladi.
Hozirda Orlov Londonda, u yerda Gaia yunon oshxonasi restoranini ochdi.
Aleksandr Orlov Tanuki va «Yorsh» restoranlari tarmog‘ining asoschisi edi. O‘tgan yili u Rossiyadagi biznesini sotib, Rossiya Federatsiyasini tark etdi. Biznesmenning so‘zlariga ko‘ra, u xorijda restoran biznesini rivojlantirish niyatida.
O‘zbekiston poytaxtida restoratorning to‘rtta muassasasi bor – Toku, Tanuki, «Takaxuli» va «Xoroshaya devochka».
Avvalroq, «Kursiv» Toshkentdagi «Yalpiz» restoranlaridan biri shikoyatlar tufayli vaqtincha yopilganini e’lon qilgan edi.
