OTB O‘zbekistonda 700 km qishloq yo‘llarini ta’mirlaydi
Osiyo Taraqqiyot Banki Oʻzbekiston qishloqlaridagi 700 km yoʻlni taʼmirlash uchun 240 mln dollar ajratadi, deb yozadi xalqaro moliya tashkiloti matbuot xizmati.
«Dengizdan ikki davlat bilan ajratilgan O‘zbekiston aholisining qariyb yarmi qishloq xo‘jaligi asosiy tirikchilik manbai bo‘lgan qishloq joylarda istiqomat qilayotgani uchun aloqa juda muhim ahamiyat kasb etadi», – dedi OTBning Markaziy Osiyo va G‘arbiy Osiyo bo‘yicha vakolatxonasi rahbari Yevgeniy Jukov.
Uning fikricha, hududlar o‘rtasida sifatni oshirish inklyuziv va barqaror iqtisodiy rivojlanishga xizmat qiladi. Xususan, barcha viloyatlar va Qoraqalpog‘istonda mahalliy va xo‘jaliklararo qishloq yo‘llariga katta e’tibor qaratiladi.
Bundan tashqari, loyiha doirasida chekka hududlardagi xotin-qizlarning huquq va imkoniyatlari bo‘yicha ish olib borilmoqda. Loyiha ularni barqaror qishloq xo‘jaligiga o‘rgatish rejalashtirilgan.
Avvalroq, OTB O‘zbekiston Respublikasiga kichik va o‘rta xususiy sektorni rivojlantirish uchun 100 mln dollar ajratishi xabar qilingan edi.
Shuningdek, OTB O‘zRga elektromobillarni ommalashtirish uchun 170 mln dollar ajratishni ma’qullagani ma’lum bo‘ldi. Pulning katta qismi kreditlarga, 65 mln dollari esa grantlarga yo‘naltiriladi.
