Toshkent yaqinida Xitoyning mikrochip ishlab chiqaruvchi zavodi quriladi

Chirchiqda Xitoy mikrochip ishlab chiqaruvchi zavod qurilishiga qariyb 1 milliard dollar sarmoya kiritiladi. Dechjou shahri va Toshkent viloyati hokimiyati loyihani amalga oshirish bo‘yicha kelishib oldi, deb xabar qildi viloyat hokimligi.

O‘tgan haftada Toshkent viloyati delegatsiyasi Dechjou shahriga tashrif buyurib, u yerda shahar hokimiyati va mahalliy ishbilarmon doiralar vakillari bilan muzokaralar olib bordi.

Tomonlar strategik hamkorlik to‘g‘risidagi bitimni imzoladilar. Uning doirasida mikrochip ishlab chiqarish korxonasini yaratish rejalashtirilgan. Loyiha 2024 yilda amalga oshirilishi rejalashtirilgan. Zavod Chirchiq shahridagi Dechjou texnoparkida joylashtiriladi.

Dechjou delegatsiyasi dekabr oyining ikkinchi o‘n kunligida Toshkentga javob tashrifi bilan borish niyatida.

Avvalroq, «Kursiv» Geely elektromobillarini ishlab chiqarish Toshkent viloyatida yo‘lga qo‘yilishi mumkinligini yozgan edi.