14-dekabr kuni Hyatt Regency Tashkent mehmonxonasida Kursiv nashri O‘zbekistonda ayollar va gender tengligini qo‘llab-quvvatlash bo‘yicha eng yaxshi loyiha va tashabbuslar uchun «Tenglar ichida yetakchi» mukofotini topshirish marosimini o‘tkazadi.
Kursiv ushbu mukofot bilan oʻzbek jamiyatida ayol yetakchilik madaniyatini yaratish mavzusiga eʼtibor qaratmoqchi. Tadbirda muvaffaqiyatli misollardan foydalanib, O‘zbekistonda ayollar tashabbuslarini rivojlantirish va yetakchi ayollarning ko‘payishiga ko‘maklashish muhimligi haqida so‘z boradi.
«Ushbu maxsus loyiha doimiy bo’ladi va biz biznesni ushbu tashabbusda faol ishtirok etishga taklif qilamiz. Biz biznesni nafaqat amalga oshirishga, balki o’z kompaniyalarida ayollar yetakchiligi va gender tengligi g’oyalarini ilgari surish bo’yicha muvaffaqiyatli amaliyotlar haqida gapirishga, shu tariqa ayollarni korporativ darajada qo’llab-quvvatlashning butun madaniyatini shakllantirishga taklif qilamiz. Bu ayollarni korporativ darajada qo‘llab-quvvatlash madaniyatini shakllantiradi», – deydi Kursiv nashrining O‘zbekistondagi bosh muharriri Anastasiya Novikova.
«Tenglar ichida yetakchi» mukofoti o‘nta nominatsiya bo‘yicha beriladi. Tanlovda korxona va kompaniyalarning faol vakillari, shuningdek, Markaziy Osiyoda ayollar huquqlarini himoya qiluvchi va ayollar yetakchiligini rivojlantirayotgan jamoat arboblari ishtirok etmoqda.
Mukofot, shuningdek, faollar, tadbirkor ayollar, jamoat birlashmalari, ayollarni birlashtirgan ijtimoiy yo‘naltirilgan korxonalar, tashkilotlar va loyihalarga ham topshiriladi.
Mukofot hamkorlari – Uzum, Yevropa Ittifoqining O‘zbekistondagi delegatsiyasi, Beeline, Freedom Broker va First Development Group.
