HeadHunter tahlilchilari tadqiqot o‘tkazib, 2024-yilda ta’til uchun eng foydali oylarni aniqlashdi. Ularning ma’lumotlariga ko‘ra, iyul – ta’til uchun eng yaxshi oy, chunki unda eng ko‘p ish kuni – 23 kun bo‘ladi. Ikkinchi o‘rinda yanvar, aprel, may, avgust, oktabr va dekabr bo‘lib, ularning har biri 22 ish kunidan iborat.
Biroq, mart oyida dam olish tavsiya etilmaydi, chunki bu oyda faqat 19 ish kuni mavjud.
Buning sababi ta’til to‘lovlari va ishlagan kunlar uchun ish haqini hisoblash bilan bog‘liq. Ish haqi bir oydagi ish kunlari soniga bo‘linadi va ishlagan kunlar soniga ko‘paytiriladi.
Ta‘til maoshini hisoblashda o‘rtacha kunlik ish haqi hisobga olinadi, bu kalendar kunlar, shu jumladan dam olish kunlari asosida aniqlanadi. Agar ta’til faqat ish kunlariga to‘g‘ri keladigan bo‘lsa, unda bu kunlar uchun to‘lov ish haqidan ushlab qolingan o‘rtacha kunlik daromad bo‘ladi.
Biroq, dam olish kunlari ta’tilga kiritilgan bo‘lsa, ular hisobga olinmaydi va ish kunlari uchun ish haqini kamaytirmaydi, lekin ta’til to‘lovini hisoblashda hisobga olinadi.
Shuningdek, avvalroq O‘zbekiston fuqarolarining 63% o‘zini mehnatkashlardek his qilayotgani xabar qilingan edi. Respondentlarning 38 foizi ta’tilda ham ish aloqalarini uzmaydilar, 37 foizi esa charchash belgilari haqida xabar berishadi.
Eslatib o‘tamiz, O‘zbekiston prezidenti Shavkat Mirziyoyev 4-dekabr kuni qisqa muddatli ta’tilga chiqqan edi.
