Maktab yoki bolalar bog‘chasiga ishga kirishdan oldin o‘qituvchi va tarbiyachilar psixologik ko‘rikdan o‘tishlari kerak. O‘zbekiston bolalar ombudsmeni Surayyo Rahmonova shunday taklif bilan chiqdi.
«Oʻqituvchi va pedagoglar tegishli lavozimlarga tayinlanishdan oldin maxsus psixologik koʻrikdan oʻtishi muhim», — deb yozadi Rahmonova oʻzining Telegram-kanalida.
Shuningdek, u o‘qituvchilarning «bola bilan yaqin aloqada bo‘lishga psixologik va emotsional jihatdan tayyorgarligi» darajasini muntazam ravishda tekshirish maqsadga muvofiqligini aytdi.
Rahmonova bu taklifni so‘nggi paytlarda ta’lim muassasalarida jarohat olish, jumladan, psixologik jarohatlar soni ortib borayotgani bilan izohladi.
«Kursiv» sentabr oyida senatorlar O‘zbekistonda o‘qituvchilar maqomini oshirish to‘g‘risidagi qonunni ma’qullaganini yozgan edi.
