Statistika agentligining hisob-kitoblariga ko‘ra, 2023-yil boshida o‘zbekistonlik ayollar tomonidan boshqariladigan kichik va mikrofirma korxonalarining sof daromadi 31,8 trln so‘mga yetdi.
Agentlik ma’lumotlariga koʻra, bunday korxonalarning sof daromadi yil davomida 9,2 trln soʻmga oshgan.
O‘zbekistonda 39 mingdan sal ko‘proq kichik korxona va mikrofirmalar faoliyat ko‘rsatib, ularning rahbarlari ayollardir.
«Kursiv» xabar berishicha, Oʻzbekiston va Belarus ayol tadbirkorlari oʻrtasida 350 mlrd soʻmlik shartnomalar imzolangan.
